Faiben únese á “Rede Conecta, Infancia Conectada”

Fri, Aug 28, 2020

Read in 1 minutes

Reducir a fenda dixital e educativa dos nenos e nenas de entre 8 e 12 anos de idade é, de seu, un obxectivo importante. Pero facelo en tempos de coronavirus, confinamentos, teletraballo, educación e lecer virtual resulta fundamental.

Faiben únese á “Rede Conecta, Infancia Conectada”

Con esa idea, Faiben uniuse á proposta formativa da Fundación Esplai, a través da cal, mediante actividades formativas en liña os nosos nenos e nenas puideron mellorar as súas competencias dixitais en tres ámbitos: a formación (pensamento crítico e procura de información), o lecer (uso responsable) e a súa protección e privacidade.

Un curso moi adecuado dadas as circunstancias actuais.

“Rede Conecta, Infancia Conectada” é un proxecto de Fundación Esplai que foi seleccionado para recibir financiamento de LOEWE, no marco da colaboración que esta empresa estableceu coa Plataforma de Infancia. LOEWE apoia iniciativas dirixidas á promoción socio-educativa e a protección de nenos e nenas, en risco ou situación de exclusión debido á pandemia.