A Deputación de A Coruña financia a mellora do confort térmico na nosa casa de familia en Ribeira

A subvención concédese no marco da convocatoria do programa de subvencións a entidades sen ánimo de lucro para o investimento de Servizos sociais no ano 2023.

A achega de 8.092,62€ (o 50,43% do total do proxecto) permitiu a mellora do equipamento do centro a través de 3 accións: a instalación dun sistema de calefacción que substituíu os radiadores eléctricos utilizados ata o de agora, a separación eficiente dos espazos e a renovación das portas de paso.

O conxunto da actuación permitiu reforzar a sensación de calidez e confort térmico das habitacións e zonas de maior uso por parte das nenas, nenos e adolescentes, mellorando a habitabilidade xeral do recurso.